Journal La Nation : « La Nation » le quotidien d'informations et d'actualités, est un journal quotidien de 16 pages minimum au format standard des quotidiens Nationaux de la place. Elle est déjà sur le marché, présente à Antananarivo et dans les provinces.

Edition du

04/06/2015
Nį 895

 

Recherche Journal

Mitaky fifampiraharahana mazava ny tambajotram-pokonolona

Mbola resabe any anivoníny fiaraha-monina any aminíny distrikaníi Toliary II ny fahafantarana fa misy orinasa mangataka fazoan-dalana hitrandraka fasimainty any aminíiny faritra iny. Mizara ny hevitry ny mponina any an-toerana. Misy ireo mihevitra fa làlana iray hitondra any aminíny fampandrosoana ny faritra ny fisianíizany orinasa izany any an-toerana. Misy kosa ireo izay mahita fa tandindomin-doza ny fiarian-karena sy ny tontolo iainana ary fomba amam-panao maha izy azy iny faritra iny noho ny fisianíity fitrandrahana fasimainty ity. Taminíny fanadihadiana natao tany aminíny kaomina Tsihanisiha sy Ankilimalinika no nahafantarana fa mampiaka-peo, aminíizao fotoana izao, ny tambajotram-pokonolona izay mitaky aminíny fitondram-panjakana ny mbola tsy hanomezana fazoan-dalana hitrandrahana fasimainty any aminíizany faritra izany. Mitaky ny hisianíny fifampiraharahana mivantana eo aminíny fokonolona sy ny mpandraharaha ary ny fitondram-panjakana izy ireo, mba ialàna aminíny ahiahy rehetra momba izany fitrandrahana izany.

Nofitahina izahay. Tsy ekenay ny fitrandrahana fasimainty aty aminíny faritra hivelomanay. Tsy marina ny filazana fa hitondra fampandrosoana aty aminay io fitrandrahana fasimainty io. Potika ny kolontsaina sy ny fomba amam-panaonay raha tanteraka ny fitrandrahana ny fasimainty ao aminíny ala misy ny fasan-drazanay. Santionany aminíireo fanehoan-kevitra nataoníny mponina tao aminíny kaomina Tsihanisiha sy Ankilimalinika ireo notanisaina ireo. Ny alarobia 27 mai lasa teo no nisy fivoriambem-pokonolona izay nandraisaníny mponina avy aminíireo kaomina ireo anjara. Ny tambajotram-pokonolona izay nahitana ireo fikambanana ifotony miaro ny tontolo iainana sy ny kolontsainíny faritra no namolavola izany fihaonambem-pokonolona izany. Samy nasaina handray anjara taminíio fivoriana io avokoa na ireo mahita fa hitondra fampandrosoana ho aníny faritra ny fitrandrahana fasimainty, na ireo izay mihevitra fa loza mitatao ho aníiny faritra iny izany.
Fampandrosoana
Lalana iray mety hitondra aminíny fampandrosoana ny faritry misy ny foko Masikoro sy ny Mikea ny fisianíny fitrandrahana fasimainty, hoy ampahany aminíireo fokonolona. Hanorina fotodrafitrasa maro toy ny làlana sy sekoly ary toeram-pitsaboana any an-toerana ireo orinasa hitrandraka io harena ankiboníny tany io, raha araka ny fampanantenana nataony. Hamorona asa maro ho aníny mponina ihany koa ny fisianíny orinasa lehibe any an-toerana. Ankoatríizay dia isaníny fampanantenaníny orinasa ihany koa ny fanonerana ny simba rehetra mandritra ny fotoam-pitrandrahana. Isaníizany ny tontolo iainana izay haverina aminíny laoniny rehefa tapitra ny fitrandrahana. Eo ihany koa ny famindrana ireo toerana mana-tantara ho aníny foko, toy ny fasan-drazana sy ny hazomanganíizy ireo. Aminíny ankapobeny dia ireo no fanazavana azo taminíny fokonolona izay mpomba ny fanekena ny fidiraníny orinasa mpitrandraka fasimainty any aminíiny faritra iny
Fanapotehana ny faritra
Tsy fampandrosoana fa fanapotehana ny faritra no entiníity fitrandrahana fasimainty ity. Io kosa no voiziníireo ampahany faharoa aminíny mponina any aminíiny faritra iny. Antony maro no nambaraníizy ireo fa mahatonga izany. Voalohany aminíireny ny fahapotehaníireo tahirin-javaboahary misy ao aminíio faritra io izay hany harena azo antoka fa ho lovain-jafy. Tsy marina velively, hoy izy ireo, ny filazana fa azo averina toy ny teo aloha ny zava-boahary izay nopotehyna nandritra ny fitrandrahana. Sarotiny aminíny loharano tokana izay hany manondraka ny faritra misy azy ireo ihany koa ny mponina. Raha maloto na ritra io tahirin-drano io, hoy izy ireo, dia tsy hanana rano azo antoka intsony iny faritra manontolo iny. Sarotiny aminíny fomba amam-panaony ihany koa ny mponina ka nanamafy fa ny famindrana ny fasan-drazaníizy ireo dia midika fanapotehana tanteraka izany fomba amam-panaony izany. Nambaraníizy ireo fa tsy midika ho fampandrosoana velively ny fisianíny efitrano fianarana sy ny tobim-pitsaboana na ny fotodrafitrasa hafa any an-toerana. Ho azy ireo dia ny fampiroboroboana ny asa fanaony an-davanandro, toy ny fambolembary sy ny fiompiana omby ary ny fiarovana ny ala mba ho lasa tahirin-karena maharitra ho aníny taranaka no atao hoe fampandrosoana. Ireo anefa no ho potika raha ekena ny fitrandrahana ny fasimainty. Marihina fa nisy taminíireo fokonolona no nanamarika fa araka ny voalazaníny manam-pahaizana dia ho tonga faritra anjakaníny horohoron-tany toy ny any aminíny faritra sasantsasany any Azia iny faritra iny rehefa lasa avokoa ireo fiarovana voajanahary nisy tao aminíny nofon-tany. Mbola mampiahiahy azy ireo ihany koa ny haretina mety hateraky ny akora sy ny fitaovana hampiasaina mandritra ny fitrandrahana.
Fifampiraharahana fa tsy fakan-kevitra ifotony
Fantatry ny mponina any aminíny faritry ny Mikea sy ny Masikoro fa efa miandry ny fazoan-dalana avy aminíny fanjakana ny orinasa iray izay mihevitra ny hitrandraka fasimainty any an-toerana. Nambaraníizy ireo anefa fa tsy tafa-paka tanteraka tany anivoníny fiaraha-monina ny fakan-kevitra momba ity fitrandrahana fasimainty ity. Tany aminíny faritra sasany dia nahatsiaro voafitaka ireo fokonolona izay nanatrika ny fakan-kevitra satria taratasy manamarina ny fahatongavana no nosoniaviníizy ireo, na ny ďfiche de presenceĒ izay tsy midika ho fanekena ny hidiraníio orinasa io velively. Nisy ihany koa anefa ireo nijoro ho vavolombelona nilaza fa nomena vola ho takaloníny fanaovana sonia ny ampahany maro taminíireo voalaza fa nanaiky izany.
Eo anatrehaníireo rehetra ireo dia mitaky ny tsy hirosoana aminíny fanomezana fazoan-dalana hitrandraka fasimainty any aminíny faritry ny Masikoro sy ny Mikea ny Tambajotram-pokonolona. Mitaky ny fifampiraharahana marina momba ity raharaha ity izy ireo satria tsy mety raha fakan-kevitra ifotony no atao.

Tag :